Kuandika Shajara kwa Umakinifu

Kuandika Shajara kwa Umakinifu

Lengo la somo hili ni…

Lengo la somo hili ni…

kuongeza ufahamu wako kuhusu uandishi wa shajara kwa uangalifu kama zana yenye faida katika safari yako ya uponyaji, na kukusaidia kuchagua njia za ubunifu zinazojikita katika hali ya hapa na sasa ili kukuza afya ya akili na mwili kwa pamoja.

album-art
00:00

Jinsi ya kujiandaa

Jinsi ya kujiandaa

Kabla ya kuanza…

Kusanya vifaa au nyenzo zako:

– Kitu cha kukusaidia kujituliza (kama picha, jiwe au kioo cha thamani)
– Kinywaji unachokipenda
– Kitu cha kuandikia na cha kuandikia nacho

Chagua sehemu ambapo unahisi uko huru na salama kuwa na mawazo yako kwa uhuru.

Dhibiti usumbufu wako, kadri utakavyoweza:

– Fikiria mambo ambayo huenda yakakusumbua na uyapunguze kadiri uwezavyo. Fikiria kuzima ukumbusho na arifa kwenye vifaa vyako; wajulishe watu muda unaohitaji kwa mazoezi haya, funga mlango wako. nk. Tungependa kukukumbusha kwamba kama kuna kelele au kitu chochote kinachokukengeusha, iwe kutoka nje au ndani, tunakualika urejee katika sasa na uendelee kujitambua pamoja na mwendelezo wa zoezi hili.

Zoezi au shughuli

Zoezi au shughuli

Unapohisi uko tayari kuanza…

Kuwa makini:

– Vuta pumzi kwa kina mara chache na uiachilie polepole, kisha tambua jinsi unavyojisikia.
– Jikumbushe kwamba chochote kitakachojitokeza katika muda huu ni cha heshima na kiko sawa.

Sasa kwa kuwa uko makini na uwepo wako, tuanze.

Kwa nini tunafanya uandishi wa shajara kwa umakinifu?

Umakini ni uwezo wa kuwa kikamilifu katika wakati wa sasa—ukiwa makini kwa akili yako, mwili wako, roho yako na dunia inayokuzunguka.

Kulingana na mahali ulipo sasa hivi, chagua kufanya moja au zote kati ya shughuli zifuatazo:

Zoezi ya 1: 5-4-3-2-1

  • Polepole, andika mambo MATANO unayoyaona karibu. Inawezakuwa kalamu, doa ukutani, kitu nje ya dirisha, au chochote kilicho katika mazingira yako ya karibu.
  • Polepole, andika mambo MANNE unayoweza kugusa. Inaweza kuwa nguo zako, blanketi, au sakafu chini ya miguu yako.
  • Polepole, andika mambo MATATU unayosikia. Zingatia sauti zilizo nje ya mwili wako kama upepo wa feni au saa inayogonga. Hata ukisikia tumbo lako likilia, hiyo pia inahesabika!
  • Polepole, andika mambo MAWILI unayonusa. Labda ni manukato yako, losheni, chakula ulichokula, au mto unaolalia. Ikiwa unahitaji, unaweza kutembea kidogo kutafuta harufu—kama sabuni bafuni au harufu ya asili nje.
  • Polepole, andika KITU kimoja unachoonja. Ndani ya mdomo wako kuna ladha gani—mpira wa kutafuna, kahawa, au juisi?

Zoezi ya 2: Uandishi Huru

Tafakari swali lifuatalo: “Ni nini kiko akilini na moyoni mwangu sasa hivi?”

Wakati wa kutuliza au kuanza upya

Wakati wa kutuliza au kuanza upya

Chukua muda mfupi kuvuta pumzi kwa kina na ujishukuru kwa kushiriki katika zoezi hili.

Mwaliko wa Kuunganisha

Fikiria jinsi unavyoweza kukuza mazoea ya makusudi ya uandishi wa shajara kwa uangalifu. Unaweza kuanzisha utaratibu wa kila siku wa kuandika kwa uhuru, na kuchunguza swali: “Ni nini kilicho akilini na moyoni mwangu kwa sasa?” Au unaweza kuzingatia neno moja kila siku linalowakilisha hali au mtazamo wa maisha unaotamani kuishi na kuudumisha, kisha uandike kwa uhuru kuihusu.

How would you rate this lesson?

Kadiria maudhui haya: