Tunastahili Furaha na Raha

Tunastahili Furaha na Raha

Lengo la Somo Hili Ni…

Lengo la Somo Hili Ni…

kujikumusha kwamba tunastahili raha kuwa sehemu ya maisha yetu ya kila siku. Wakati mwingine simulizi huwa kwamba uponyaji unamaanisha tumekwama “kufanya kazi ngumu.” Zoezi hili linatualika kujiuliza: je, vipi kama uponyaji ungejisikia vizuri? Je, vipi kama uponyaji usingekuwa tu kushughulikia majeraha ya zamani bali pia kujihusisha na uzoefu wetu wa furaha na raha? Je, vipi kama mwendo usingekuwa tu wa kuachilia msongo bali pia wa kugundua raha ndani yetu wenyewe?

album-art
00:00

Jinsi ya kujiandaa

Jinsi ya kujiandaa

Kabla ya kuanza…

Kusanya vifaa au nyenzo zako:

– Daftari

– Vifaa vya kuandika

– Maji

Chagua eneo unalohisi urahisi kujieleza ndani yake.

Dhibiti usumbufu wako, kadri utakavyoweza:

– Fikiria ni nini kinavyokuvuruga kwa kawaida na kupunguza usumbufu huo wakati huu. Fikiria kuzima ukumbusho na taarifa kwenye vifaa vyako; wajulisha watu wakati unahitaji kwa mazoezi haya, funga mlango wako. nk. Tungependa kukukumbusha kwamba kama kuna kelele au kitu chochote kinachokukengeusha, iwe kutoka nje au ndani, tunakualika urejee katika sasa na uendelee kujitambua pamoja na mwendelezo wa zoezi hili.

Zoezi au shughuli

Zoezi au shughuli

Unapohisi uko tayari kuanza…

Kuwa makini:

– Vuta pumzi chache kwa ndani na nje.

– Jikumbushe kwamba chochote kitakachojitokeza katika muda huu ni cha heshima na kinastahili kukubaliwa.

Tuanzie hapa

Unaweza kuanza zoezi hili kwa kutafakari kwa ujumla maana ya “raha” au “furaha” kwako. Unaweza kufanya hivyo peke yako kwa kuwaza baadhi ya shughuli, au kwa kutambua kile kinachotokea mwilini mwako unapofikiria neno hilo.

Baada ya kuchukua muda wa kutafakari kwa ujumla, unaalikwa kupitia maswali yafuatayo. Kujibu maswali haya, jisikie huru kuandika katika shajara, kuyatafakari kimya kimya, kurekodi majibu yako kwa sauti kwenye simu yako, au kufanya chochote kinachokufaa kwa wakati huu.

  1. Uhusiano wako na neno “raha” au “furaha” ukoje? Raha ina maana gani kwako?
  2. Unajuaje kwamba unapata au unahisi raha?
  3. Je, kuna sehemu ya maisha yako ambayo ungependa kupata raha zaidi? Harakati za mwili? Mahusiano ya kimapenzi? Chakula? Mapumziko?
  4. Andika orodha ya shughuli zinazokuletea raha au kukufanya ujisikie vizuri. Jaribu kujumuisha shughuli unazofanya kwa sasa, zile ulizokuwa unafurahia zamani lakini huzifanyi tena (na labda unazikosa na ungependa kuzirudisha), pamoja na shughuli ambazo ungependa kujaribu au kuchunguza. Hakuna kikomo cha urefu wa orodha yako – andika tu kila kinachokuja akilini hadi utakapohisi uko tayari kumaliza zoezi hili. Ikiwa itasaidia, unaweza kuweka kipima muda (timer) kwa muda maalum ili kuandika kwa uhuru shughuli zote zinazojitokeza.

Wakati wa Kujituliza au kuanza upya

Wakati wa Kujituliza au kuanza upya

Muda wako unapo kwisha, simama na vuta pumzi . Pumua ndani kupitia pua na nje kupitia mdomo na sauti kidogo mara 2-3. Tazama ilivyokuwa kufanya uchunguzi wa wazo la starehe. Chukua muda wako kujiheshimu kwa kutenga muda kwa shughuli hii, na ukumbushe nafsi yako kwamba unastahili starehe (unaweza kufanya hivyo kwa kujiambia kwa sauti).

Mwaliko wa Kuunganisha

Unakaribishwa kufikiria kuendelea na zoezi hili la raha kila siku kwa siku 7 zijazo. Unaweza kuweka shughuli ya kila siku kwenye kalenda yako kama ukumbusho. Ikiwa ungependa kufanya hivyo, kuwa mahsusi kuhusu shughuli utakayofanya, na fikiria baadhi ya mambo haya kimipango: Utafanyia wapi zoezi au shughuli hii? Utaifanya lini? Utaifanyaje? Inaweza kusaidia kumtambua rafiki au mshirika unayemwamini ambaye anaweza kukuulizia maendeleo yako na kuwa mshirika wako wa uwajibikaji kwa wiki hiyo. Unaweza kutumia muda sasa kufikiria ungependa mtu huyo awasiliane au ajihusishe nawe kwa namna gani. Kwa mfano, unaweza kumuomba akuulize kila siku kwa muda maalum ili kuona kama umekamilisha shughuli uliyokusudia kuifanya.

How would you rate this lesson?

Kadiria maudhui haya: